Слоўнік да заняткаў па тэме “Індыя”

СПАМПУЙЦЕ РАЗДАТКУ Ў WORD

ІНДЫЯ

ШТО ТРЭБА ВЕДАЦЬ БЕЛАРУСУ ПЕРАД ПАДАРОЖЖАМ

Гуру – настаўнік, майстар.

Ашрам – абіцель манахаў і пустэльнікаў у старажытнасці. Сёння таксама рэлігійная супольнасць, дзе людзі займаюцца медытацыяй, малітвай, ёгай.

Араці – рытуал ушанавання бога, сакральнага прадмета альбо паважанай асобы. Праводзіцца на досвітку, калі бог “прачынаецца”, альбо ўвечары, калі ён кладзецца спаць.

Пуджа – ‘пакланенне, глыбокая пашана’. Абазвязковы элемент араці. Ахвярападнашэнне багам у выглядзе кветак (подобна як у нас на Купаллі), ежы, запальвання аромапалачак. Таксама пуджу робяць сонцу, рацэ Ганга, настаўніку.

Пандыт – ‘вучоны’. Так называюць мужчыну з варны брахманаў, асноўны занятак якога вывучэнне духоўнай літаратуры на санскрыце. Яшчэ пандыт выхоўвае дзяцей у індуізме ў адмысловых школах, праводзіць рытуалы, на аснове астралогіі вызначае найлепшыя даты для шлюбу і зачацця дзяцей.

Тэмпл – храм у індуізме.

Садху – аскет, святы ці ёг, які выракся матэрыяльнага свецкага жыцця і займаецца выключна медытацыямі.

Нага-баба – садху, што адмовіліся нават ад вопраткі, яны не стрыгуць і не расчэсваюць валасы.

КумбхаМэла – ‘свята збана’. Найбуйнейшы рэлігійны фестываль на планеце, уключаны ў Спіс нематэрыяльнай спадчыны ЮНЕСКА.

Тук-тук  – трохколавы матацыкл ці мотаролер для перавозкі пасажыраў. “Welcome to my helicopter!”

Сліпер-бас – аўтобус са спальнымі месцамі, які курсуе ноччу на вялікія адлегласці.

Бетэль – рэчыва для жавання, зробленае з аднайменнай расліны, што мае танізуючы эфект.

Маса´ла – сумесь спецый.

Масала-чай – чорная гарбата з малаком, цукрам і спецыямі.

Чапа´ці – ляпёшка з пшанічнай мукі.

Тха´лі – ‘паднос’. Страва на вялікім падносе: у цэнтры рыс, а побач у меншых місках дал (суп з гароху ці сачавіцы), са´бджы (рагу з гародніны), пі´кулі (марынаваная гародніна і/ці садавіна), пані´р (аналаг адыгейскага сыру ў соўсе), курт (кісламалочны прадукт). Падаецца разам з чапаці.

Само´са – піражок з бульбай  і спецыямі, смажаны ў фрыцюры.

Лассі´ – напой на аснове ёгурта з цукрам, соллю, спецыямі, садавінай.

Сі´злер – страва, якая не з’яўляецца традыцыйнай, але папулярная ў кавярнях Гоа. Мяса (рыба, морапрадукты, панір) падаецца з рысам і бульбай у капусных лістах на гарачай патэльні.

Намастэ  – Вітаю цябе!

Намаскар  – Вітаю ўсё боскае ў табе!

Achha  – ‘добра, ладна, угу’.

Aaja  – “Хадзі сюды!”

Джы  – канчатак, што дадаецца да імя асобы, якой чалавек хоча выразіць пашану. Калі не ведаем імя, можна звярнуцца “Мата Джы” да жанчыны (“Шаноўная маці!”) і “Баба Джы” да мужчыны (“Паважаны айцец”).

Свамі – ‘спадар’. Кажуць у зваротах да мужчыны ці жанчыны, якія з’яўяюцца духоўнымі настаўнікамі.

Расклад заняткаў: 08.04 Сартаванне смецця, 15.04 Псіхатэрапія, 22.04 Веганства, 29.04 Манюшка