УВАГА! Каб пабачыць правільныя адказы, вылучыце курсорам вобласць побач з зорачкай!

1. Утварыце прыналежныя прыметнікі:

1. (Ядзвіга) хустка  – *Ядзвіжына хустка
2. (ластаўка) хвост   – *ластаўчын хвост
3. (Сяргей) загад  – *Сяргееў загад
4. (сястра) капялюш    – *сястрын капялюш
5. (дзядуля) акуляры  – *дзядулевы акуляры

2. Спалучыце часцінку не або ні з лічэбнікам адзін:

1. …адзін чалавек не хоча быць няшчасны. – *Ні адзін / ніводзін / ніводны
2. … адзін бацька ведаў прычыны такіх паводзінаў. – *Не адзін
3. Яго … адзін раз бачылі з Галяй.  – *не адзін

3. Перакладзіце прыслоўі:

1. Напрямик  – *напрасткі, нацянькі
2. Вплотную – *ушчыльную
3. Исподволь  – *спакваля
4. Споднизу – *спадыспаду, спадсподу, спаднізу

4. Устаўце слова асобы, асобны, асаблівы, асабісты або асабовы:

1. … атрад БНР – *асобны атрад БНР
2. На стале ў кіраўніка ляжала … справа маладога спецыяліста. – *асабовая справа
3. Папоўніць … рахунак  – *асабовы рахунак
4. Часам … займеннікі сябе і сабе блытаюць нават добрыя знаўцы мовы. – *асабовыя займеннікі
5. Гэта быў … выпадак.  – *асобы / асаблівы

5. Перакладзіце сказы:

1. Девушки собрались на встречу.  – *Дзяўчаты сабраліся на сустрэчу.
2. В купе я ехала с тремя девушками моего возраста.  – *У купэ я ехала з трыма дзяўчынамі майго ўзросту.
3. Младенцев с матерями положили в отдельную больничную палату.  – *Немаўлят з мацеркамі / маці / мацярамі паклалі ў асобную шпітальную палату.

6. Утварыце ўсе магчымыя формы вышэйшай ступені параўнання ад наступных прыметнікаў:

1. Вялікі – *большы (памер), больш / менш вялікі (выбітны)
2. Мяккі – *мякчэйшы, больш / менш мяккі
3. Салодкі – *саладзейшы, больш / менш салодкі
4. Драбнаваты – *не ўтварае (непаўната якасці)

7. Утварыце ўсе магчымыя формы найвышэйшай ступені параўнання ад наступных прыметнікаў:

1. Радасны – *найбольш / найменш радасны, самы радасны
2. Вялікі – *найбольшы, самы вялікі, большы з усіх; найвялікшы, найбольш / найменш вялікі, самы вялікі
3. Халасты – *не утварае
4. Новы – *найноўшы, найбольш / найменш новы, самы новы, навейшы з усіх