Вучымся размаўляць афарызмамі!
Шутки в сторону — Смешкі (жарты, жарцікі) на бок = Годзе жартаваць = Досыць (даволі) жартаў = Без жартаў
Шутки плохи — Жарты (жарцікі) кароткія = Да трох не гавары
Шут гороховый — Дурань малёваны = Кеп, дурань, блазен — тры штукі разам
Шутил Купряшка, да попал в тюряжку — Жартаваў воўк з канём, ды ў жмені зубы панёс = Досыць кпіць — вусы паломіш = Хто з каго смяецца, таму рот па вушы раздзярэцца = Дурныя жарты плачу варты
Шутки шути — а людьми не мути — Жартаваць можна, але не калечыць бязбожна = Пасмейся з няўмекі, ды не чыні здзекі = Можна кпіць, але не калечыць
Шутку сшутить — людей насмешить — З добрага смеху добрая й пацеха = Без смеху якая пацеха = Разумныя жарты пахвалы варты = Лепей жартаваць, чымся гараваць
Смех без причины — признак дурачины — Па латках пазнаць скупога, а па смеху — дурнога = Дурня па смеху пазнаеш
Смех да и только — Смех дый годзе = Смеху варта = Пацеха дый годзе = Пацеха з меха
Смешинка в рот попала — Подмазку з’еў = Пусты падпаў
