Ці шмат хто чуў пра замак у Глуску на Магілёўшчыне?! Між тым, гэта тыповы на свой час беларускі замак. Прыватны, але з уласным месцам у дзяржаўнай сістэме абароны ад самага страшнага ворага ў гісторыі Беларусі – Масковіі. З гэтага вынікае яшчэ адна тыповасць Глускага замку – ад яго амаль нічога не засталося.

Даўно загінуўшы замак, мог яшчэ доўга заставацца ў нябыцці, калі б не археалагічная экспедыцыя і яе кіраўнік кандыдат гістарычных навук, Ірына Ганецкая, якая паміж 1996 і 2008 гадамі правяла на глускім замчышчы ажно трынаццаць палявых сезонаў, дапаўняючы археалагічныя раскопкі архіўнымі пошукамі.

Замак няблага даследаваны як па пісьмовых крыніцах, так і археалагічна. Гэта нетыпова для Беларусі. Шмат чаго з апісанага архіўнымі дакументамі, пацвярджалася знаходкамі ў раскопах. Як, напрыклад, пажар і забойствы жыхароў у 1655 г. Глуск, бадай, адзінае месца ў Беларусі, дзе знойдзены рэальны падземны ход.

Каб больш даведацца пра жыццё і смерць Глускага замку выбіраемся ў дарогу.

 

Шаноўныя сябры! Усе відэа рубрыкі “Медыятэка” ўзятыя з адкрытых крыніц інтэрнэта.
Калі змяшчэнне нейкага відэа парушае Вашыя аўтарскія правы – калі ласка, напішыце пра гэта на мэйл movananova.by@gmail.com
Калі вы маеце цікавае відэа, якое можна дадаць у “Медыятэку” – калі ласка, дасылайце інфармацыю пра яго на гэты ж адрас.
Дзякуй!