Краіна: Чэхія
Рэжысёр: Міраслаў Балайка
Ролі выконваюць: Мілена Штайнмаслава, Міраслаў Нога, Яна Шцепанкава
Пра фільм: Камедыйны сямейны серыял. Кудрны – звычайная гарадская сям’я: мама – оптык, тата – праграміст ды іхныя дзеці – 12-гадовы Сцяпан, 6-гадовы Мацей і 15-гадовая Элішка, якую клічуць Эліс. А таксама бабуля, маміна матуля і татава цешча, – да непрыемнасці кемлівая старая дама, прыкаваная да інваліднага вазка. І гэтай гарадской сям’і нечакана ў спадчыну дастаецца вясковая сядзіба дзядзькі Губэрта. Бывай казінае малако з крамы і саматужна выгадаваныя памідоры! – захапляецца маці, прыхільніца здаровага харчавання. Сыны цешацца думкаю пра свойскую жывёлу, бацьку вабіць ідылія жыцця на прыродзе. Супраць змены выступаюць толькі Элішка і бабуля. Але ж сямейны маёнтак выглядае так прывабна…
Шаноўныя сябры! Усе відэа рубрыкі “Медыятэка” ўзятыя з адкрытых крыніц інтэрнэта.
Калі змяшчэнне нейкага відэа парушае Вашыя аўтарскія правы – калі ласка, напішыце пра гэта на мэйл movananova.by@gmail.com
Калі вы маеце цікавае відэа, якое можна дадаць у “Медыятэку” – калі ласка, дасылайце інфармацыю пра яго на гэты ж адрас.
Дзякуй!