Словы: Васіль Лебедзеў-Кумач

Музыка: Ісаак Дунаеўскі

З т\ф “Дети капитана Гранта”

 

***

Капітан аднойчы жыў.

Па ўсім свеце ён хадзіў.

Ад маленства акіян баразніў.

Неаднойчы ён тануў.

Адбіваўся ад акул…

І ніколі нават вокам не міргнуў!

 

І ў баі, і ў бядзе

Толькі песеньку ціхутка завядзе:

 

“Капітан, капітан, пасміхніся!

Тая ўсмешка – гэта сцяг карабля!

Капітан, капітан, падцягніся –

Толькі смелы валадарыць на марах!”

 

Раз адважны капітан

Абыходзіў Індастан.

І сваё каханне там напаткаў.

Раз пятнаццаць ён бялеў,

Чырванеў ды пруцянеў…

Ані разу пасміхнуцца не пасмеў!

 

Чырванеў… пруцянеў…

І ніхто не падказаў яму прыпеў…

 

Капітан, капітан, пасміхніся!

Тая ўсмешка – гэта сцяг карабля!

Капітан, капітан, падцягніся –

Толькі смелы валадарыць на марах!

 

Пераклад Алены Церашковай