Красуе планета

Зялёным ды сінім,

І Сонца працягне

Зіхоткую ніць.

Шляхі і дарогі

Як тысячы ліній,

Якія мы можам

Усе спалучыць.

 

Прыпеў:

Да Сонца крочым

Скрозь дні і ночы,

Гатовы горы й мора мы скарыць!

Ды будзе лёгкай

Твая дарога,

Калі з табой ідуць надзейныя сябры!

 

У нашай палітры

Багата адценняў,

І кожнаму можна

Сваё выбіраць.

Ёсць плямы пустыя

На глобусе дзесць,

Мы іх адшукаем, каб размаляваць!

 

Прыпеў.

 

Як струны, праменні

Звіняць у паветры,

І нам яшчэ трэба

Так многа зрабіць!

А словы ды ноты

Падхопяцца ветрам,

І вось ужо песня

У неба ляціць!

 

(Дарога да Сонца. Аўтар музыкі: К. Брейтбург-мл. Аўтар слоў: А. Кавалерян. Пераклад Алены Церашковай)