Пра курсы
ГАРАДЫ :

| Тэма: Рэптыліі

11.03.2020
СЛОЎНІК Рэптыліі

Слоўнік да заняткаў па тэме “Рэптыліі”

word70 СПАМПУЙЦЕ РАЗДАТКУ Ў WORD

Экзатычныя істоты

 Тэрарыумістыка – гэта род заняткаў, які прадугледжвае стварэнне неабходных умоваў для ўтрымання некаторых жывёл і мадэляванне для іх экасістэм.

Тэрарыум – ёмістасць, у якой створаныя неабходныя ўмовы для ўтрымання некаторых жывёл.

Тэрарыумныя жывёлы: амфібіі рэптыліі, насякомыя, павукападобныя, мнаганожкі, ракападобныя, малюскі.

Від – гэта сукупнасць блізкіх па паходжанні арганізмаў, адносна падобных знешне і фізіялагічна, здольных скрыжоўвацца паміж сабой, даваць патомства, і якія займаюць пэўны арэал у прыродзе.

Бесхрыбетныя – група жывёл, якая не мае хрыбта (пазваночніка).

Членістаногія –  тып першаснаротых жывёл, які ўключае насякомых, ракападобных, павукападобных і мнаганожак.

Павукі-птушкаеды – сямейства дастаткова вялікіх павукоў, пакрытых валаскамі, якія насяляюць усе кантыненты акрамя Антарктыды.

Слімак – агульнаўжывальная назва бруханогіх малюскаў з вонкавай ракавінай.

Хрыбетныя – падтып хордавых жывёл, які ўключае ў сябе млекакормячых (сысуноў), птушак, земнаводных, паўзуноў і рыбаў.

Земнаводныя (амфібіі) – клас хрыбетных жывёл, якія ў раннім узросце жывуць у вадзе і дыхаюць жабрамі, а ў дарослым стане валодаюць прыкметамі наземных жывёл і дыхаюць лёгкімі.

Жаба (рус. лягушка) – у шырокім сэнсе тэрмін адносіцца да ўсіх прадстаўнікоў атрада бясхвостых амфібій. У вузкім сэнсе азначае прадстаўніка сямейства сапраўдных жабаў.

Рапуха (рус. жаба) –  прадстаўнік сямейства бясхвостых земнаводных з шырокім тулавам, кароткімі канечнасцямі і “сухой” скурай.

Паўзуны, га́ды (рэптыліі) – гэта клас яйкакладучых хрыбетных жывёл з жорсткай лускаватай скурай. Тэмпература іх цела залежыць ад тэмпературы навакольнага асяроддзя.

Жаўла (чарапаха) – прадстаўнік атраду паўзуноў пакрытых касцёва-рагавым або касцёва-скурыстым панцырам.

Папулярныя тэрарыумныя жывёлы:

Плямісты эўблефар (Eublepharis macularius) – начная наземная яшчарка з інфраатраду геконападобных, якая жыве ў горных раёнах Пакістану, Афганістану, Ірану, паўночнай Індыі. У адрозненні ад геконаў, эўблефары маюць рухомае павека і не могуць лазіць па гладкіх вертыкальных паверхнях. Дасягае 25 см. Харчуецца насякомымі.

Барадатая агама (Pogona vitticeps) – аўстралійская паўпустэльная дзённая яшчарка. Дасягае 40–50 см у даўжыню. Называецца так з-за характэрнага мяшка на шыі, які можа раздзімацца. Мяняе афарбоўку цела ў залежнасці ад тэмпературы і фізічнага стану. Харчуецца насякомымі і раслінамі.

 

Беларускамоўная суполка ВК: “Беларусь у тэрарыуме” https://vk.com/exo_belarus

Партнёр — menu.by
Партнёр — Кафэ “Грай”
Партнёры — Кісларод
Партнёр — Цэнтр Кола
Партнёр — Сувеніры пра Беларусь
Партнёры — Трэці Сектар
Партнёр — Падароск
Партнёр — Будзьма
Партнёр — Viapol
Партнёр А-100
Кнігарня Логвінаў
Партнёр — Velcom па-беларуску
Партнёр — Лятучы ўніверсітэт
Партнёр — Галерэя Ў
Інфапартнёр — kniharnia.by
Інфапартнёр — Новы час
Інфапартнёр — СВАЕ.БЕЛ
Інфа-партнёр — Разам
Інфа-партнёр knihi.by
Інфа-партнёр tuzin.fm
Інфапартнёры — ЭўраБеларусь
Інфапартнёры — Радыё Рацыя
Інфапартнёры — Нашыя Дзеткі
Інфапартнёр — Белсат