Пра курсы
ГАРАДЫ :

| Тэма: Зіма

13.01.2015
ЦІКАВІНКІ Загадкі пра зіму

Адгадайце разам з дзецьмі!

 

 

 

УВАГА! Каб пабачыць адгадку, вылучыце курсорам вобласць справа ад зорачкі.

Улетку адпачываюць,
А ўзімку дзяцей катаюць.
*Санкі

Па сцяжыне, па дарозе
Бегчы я ў іх не ў змозе,
І па снезе не ідуць,
Лёд убачаць – і лятуць!
*Канькі

Без сякеры, без пілы, а масты будуе.
*Мароз

Шар пастаўлены на шар,
Нос чырвоны на ўвесь твар,
Рот і вочы – вугалькі.
Адгадайце, хто такі?
*Снегавік

Пятрок ля варот цяпло ўвалок, сам не бяжыць, а стаячых не любіць.
*Мароз

Ішоў генерал, з усіх шапкі паздымаў, а трое не даліся.
*Мароз, хвоя, елка, ядловец

Ляцеў птах, на ваду — бах. Вады не скалаціў, на дно патануў.
*Снег

Ляцелі белыя гусі, крыллі русы, ды нельга з іх па пёрушку вырваць.
*Снег

Ляцяць птушкі без крылаў, а сядаюць без ног.
*Сняжынкі

Зімой расце коранем уверх, а вясной памірае. Хто адгадае?
*Лядзяш

З неба ўпаў, усю зямлю, як абрусам, заслаў.
*Снег

Зімой грэе, вясной тлее, улетку памірае, увосень аджывае.
*Снег

На вадзе родзіцца, а вады баіцца.
*Лёд

Удзень шкло разбіта, а нанач устаўлена.
*Лёд у палонцы

Без рук малюе, без зубоў кусае.
*Мароз

Па калені вады, а не нап’ешся.
*Снег

Са страхі морква вісіць, да зямлі не дастане, паху не мае, зімой вырастае.
*Лядзяш

Сее, вее, рассявае, зімой сляды замятае.
*Снег

Белы, а не цукар, без ног, а ідзе.
*Снег

Партнёры — Кісларод
Партнёр — Цэнтр Кола
Партнёр — Сувеніры пра Беларусь
Партнёры — Трэці Сектар
Партнёр — Падароск
Партнёр — Будзьма
Партнёр — Viapol
Партнёр А-100
Кнігарня Логвінаў
Партнёр — Velcom па-беларуску
Партнёр — Лятучы ўніверсітэт
Партнёр — Галерэя Ў
Інфапартнёр — kniharnia.by
Інфапартнёр — Новы час
Інфа-партнёр — Разам
Інфа-партнёр knihi.by
Інфа-партнёр tuzin.fm
Інфапартнёры — ЭўраБеларусь
Інфапартнёры — Радыё Рацыя
Інфапартнёры — Нашыя Дзеткі
Інфапартнёр — Белсат