Пра курсы
ГАРАДЫ :


19.08.2015
Удзельнікі рэаліці-конкурсу #РазамМінск прыступілі да паляпшэння горада

Адборачная стадыя першага летняга рэаліці-конкурсу гарадскіх праектаў #РазамМінск завяршылася 11 жніўня. Кампетэнтнае журы і гледачы праз галасаванне выбралі 23 удзельнікі. Цяпер ім трэба будзе палепшыць Мінск, зрабіць яго зручней, ярчэй і дабрэй.

Каманды ўжо рашуча ўзяліся за ажыццяўленне заяўленых праектаў. Бо па правілах конкурсу, яны павінны цалкам рэалізаваць сваю ідэю да 7 верасня. Пры гэтым разлічваць на фінансаванне ад арганізатараў яны не могуць. Застаецца спадзявацца на падтрымку актыўных мінчукоў. Усе, каму неабыякава развіццё горада, могуць далучацца да агульнай справы і дапамагаць праектам.

«Мінчукі пераўзышлі нашы чаканні. Мы атрымалі звыш 300 ідэй, 39 з якіх аформіліся ў рэалістычныя праекты. Хоць у конкурс трапілі толькі 23 праекта, усе астатнія таксама вартыя рэалізацыі. Наогул на платформе Talaka.by незалежна ад конкурсу рэалізуюцца дзясяткі цікавых праектаў. Так што, калі ў вас ёсць класная ідэя, не варта чакаць асаблівай нагоды. Смела прыступайце да яе ўвасаблення», – лічыць кіраўнік Talaka.by Яўген Клішэвіч.

За поспехамі гарадскіх актывістаў пільна сочаць журналісты. Штотыднёвыя справаздачы аб самых яркіх момантах рэаліці-конкурсу выходзяць на Onliner.by, а таксама па чацвяргах у вячэрнім эфіры радыёстанцыі Радыус-FM.

Прызавы фонд конкурсу складае $2000. 16 верасня будуць названы імёны пераможцаў у чатырох намінацыях: «Лепшы гарадскі праект», «Выбар мінчукоў», спецыяльная намінацыя Talaka.by «Сацыяльны прадпрымальнік» і спецыяльная намінацыя ў рамках карпаратыўнай сацыяльнай адказнасці кампаніі velcom – «Дзіцячы горад».

Арганізатарамі конкурсу выступаюць грамадская некамерцыйная платформа Talaka.by, кампанія velcom і інтэрнэт-партал Onliner.by.

За рэаліці-конкурсам #РазамМінск можна сачыць на сайце.

Па дадатковую інфармацыю звяртайцеся, калі ласка, да спецыяліста па прасоўванні Talaka.by Васіля Корфа па тэл. +375 (29) 708-56-30, +375 (29) 113-17-51 або e-mail pr.talaka@gmail.com. З радасцю адкажу на ўсе вашы пытанні.

Партнёр — menu.by
Партнёр — Кафэ “Грай”
Партнёры — Кісларод
Партнёр — Цэнтр Кола
Партнёр — Сувеніры пра Беларусь
Партнёры — Трэці Сектар
Партнёр — Падароск
Партнёр — Будзьма
Партнёр — Viapol
Партнёр А-100
Кнігарня Логвінаў
Партнёр — Velcom па-беларуску
Партнёр — Лятучы ўніверсітэт
Партнёр — Галерэя Ў
Інфапартнёр — kniharnia.by
Інфапартнёр — Новы час
Інфапартнёр — СВАЕ.БЕЛ
Інфа-партнёр — Разам
Інфа-партнёр knihi.by
Інфа-партнёр tuzin.fm
Інфапартнёры — ЭўраБеларусь
Інфапартнёры — Радыё Рацыя
Інфапартнёры — Нашыя Дзеткі
Інфапартнёр — Белсат