Пра курсы
ГАРАДЫ :


04.10.2016
Мовананоўцы са школьнікамі навялі парадак ля дома Барадуліна і наведалі дом Быкава

1 кастрычніка «Мова Нанова» зладзіла талаку ва Ушачах. Ахвотных давесці да ладу тэрыторыю побач з домам народнага паэта назбіралася 40 чалавек. 

Адгукнуліся не толькі слухачы курсаў, але і дзевяцікласнікі адной са сталічных школ. А лідар гурта «Рэха» Андрусь Такінданг, які таксама далучыўся да талакі, дапамагаў не толькі рыдлёўкай, але і спевамі.

Валанцёры прыбралі гнілыя яблыкі, што дываном заслалі зямлю ля дома Барадуліна, пафарбавалі агароджу.

1-1iimy

2-ff6zb

4-6qukl

5-hi8be

6-nq7xm

7-z0zrq

8-h8eqs

Усталявалі новыя стэнды, каб можна было тут жа прачытаць пра паэта і пабачыць яго фота.

9-svfsb

19-j0ixk

3-s3dho

Два дзясяткі новых здымкаў з’явіліся і ў самім доме, іх размеркавалі па пакоях.

20-ope5x

21-t6kcm

На скрыжаванні непадалёк усталявалі стэнд, які паказвае, куды трэба ехаць, каб убачыць, дзе жыў выбітны беларус.

18-cvfr3

Ля магілы Рыгора Барадуліна паставілі лаву, каб тым, хто прыйдзе ўшанаваць яго памяць, можна было прысесці. Побач таксама ўсталявалі некалькі стэндаў.

16-ummri

17-3tk1i

«Мы мала што можам рабіць, пакуль дом не з’яўляецца музеем, — кажа Глеб Лабадзенка, арганізатар талакі. — З дазволу Валянціны Міхайлаўны мы толькі ўнеслі невялікія лаканічныя дадаткі, якія можна лёгка прыбраць. Канечне, калі сям’я Барадуліна вырашыць зрабіць тут музей, то ў мяне ёсць шмат ідэй, што можна дарабіць і як арганізаваць прастору.

Побач з домам расце шмат яблынь, дзядзька Рыгор казаў, што гэта «маміны яблыні». Летась мастакі зладзілі тут пленэр, варта было б зрабіць падобныя мерапрыемствы рэгулярнымі. Сюды можна прывозіць школьнікаў, каб яны маглі пабачыць той жа кабінет, дзе Барадулін напісаў шмат сваіх вершаў. Таму калі будзе рашэнне сям’і зрабіць музей, мне б вельмі хацелася паўдзельнічаць».

Пасля Ушачаў група накіравалася ў Бычкі, дзе месціцца Музей-сядзіба Васіля Быкава. Адзін з удзельнікаў талакі падарыў музею тэлевізар, які прымацавалі да сцяны ў пакоі.

14-d83mh

15-bw561

Цяпер наведнікі змогуць пабачыць цэлы архіў фота, а таксама відэазапіс экскурсіі сястры пісьменніка Валянціны Быкавай, які зрабіў Глеб Лабадзенка. У доме развесілі шмат архіўных фотаздымкаў.

13-cqzym

У музей прывезлі адрэстаўраванае крэсла, з якім звязаная цікавая гісторыя.

«Калі прыйшлі камуністы, то з мясцовай панскай сядзібы зрабілі школу, дзе і вучыўся Васіль Быкаў. Потым гэтую школу зачынілі, і яе пачалі расцягваць, — распавядае Глеб Лабадзенка. — Бацька Васіля Быкава прынёс дадому настаўніцкае крэсла і загадаў сыну, будучаму пісьменніку, выразаць на спінцы ініцыялы БВХ — Быкаў Владзімір Хведаравіч. Каб думалі, што крэсла заўсёды і было ў доме».

Калі стварылі Музей-сядзібу, сваякі Быкава прынеслі гэтае крэсла, але яго не ўзялі. У крэсла не хапала ножкі, спінка была паламаная, не было сядзення, вось і вырашылі такое «ламачча» не браць. Калі пра гэта даведаўся Сяргей Шапран, прапанаваў яго адшукаць. Крэсла знайшлося ў дрывотні братавай Быкава Антаніны Аляксандраўны, якая ў той час была загадчыцай музея.

«Майстар Яўген Зарубайка ўзяўся яго аднавіць і зрабіў гэта бясплатна, — працягвае Глеб. — Сказаў, што гэта для яго гонар, таму што Васіль Быкаў быў любімым пісьменнікам яго бацькі».

12-384i5

Гэтая талака — першая, якую зладзіла «Мова Нанова». Арганізатары спадзяюцца, што яна будзе не апошняй.

Настасся Роўда
http://nn.by/?c=ar&i=178234

Партнёры — Кісларод
Партнёр — Цэнтр Кола
Партнёр — Сувеніры пра Беларусь
Партнёры — Трэці Сектар
Партнёр — Падароск
Партнёр — Будзьма
Партнёр — Viapol
Партнёр А-100
Кнігарня Логвінаў
Партнёр — Velcom па-беларуску
Партнёр — Лятучы ўніверсітэт
Партнёр — Галерэя Ў
Інфапартнёр — kniharnia.by
Інфапартнёр — Новы час
Інфа-партнёр — Разам
Інфа-партнёр knihi.by
Інфа-партнёр tuzin.fm
Інфапартнёры — ЭўраБеларусь
Інфапартнёры — Радыё Рацыя
Інфапартнёры — Нашыя Дзеткі
Інфапартнёр — Белсат