Пра курсы
ГАРАДЫ :


04.08.2015
ЭКСКУРСІЯ “Мова Нанова запрашае да Ада­ма Міцкевіча”

Марш­рут СБ-6.5: Навагрудак — Уселюб — Любча — Шчорсы* — Валеўка — Вялікая Сваротва — Завоссе

ЗАМОВІЦЬ ЭКСКУРСІЮ  МОЖНА ТУТ 8 жніўня, 8.00, пр. Незалежнасці 31а, дом-музей РСДРП. Кошт 350 тыс. руб.

Славутыя асобы Беларусі — знаўцы гісторыі, куль­ту­ры, архітэктуры, літаратуры, яны ж акцёры і заўзятыя вандроўнiкi, фотамастакі і аўтары нашумелых бэстселераў — раскажуць Вам пра тое, чаму яны прысвяцілі свае даследаванні, чаму аддалі сваё сэрца, часам — нават ўсё жыццё … Гэта не традыцыйная экскурсія, а — Бенефіс Знаўцы. Скарочана — “БЗ”, а калі па першых літарах, то бэ-зэ . Так-так, калі заўгодна, хоць і насуперак арфаграфіі, але па сэнсе — лёгкае пірожнае, згатаванае рукою сапраўднага майстра як твор мастацтва! Экскурсія — дэсерт!

ПРАГРАМА

Зноўку едзем разам з Глебам Лабадзенкам (la­badzen­ka.by) — журна­лістам, паэтам, блогерам, даследчыкам радзі­ві­лаўскіх фата­гра­фій і выкладчыкам са­мых масавых у свеце кур­саў бе­ла­рус­кай мовы (“Мова Нанова”), аўтарам цудоўнай кні­гі моўных малюнкаў “Дзіцячая заМова”.

Экскурсія пройдзе па найбольш маляўнічых месцах Беларусі — выдатныя пейзажы, ахінутыя легендамі. Вы даведаецеся пра багатую гісторыю нашай краіны і жыццёвы шлях яе выдатнага сы­на Ада­ма Міцкевіча.

НАВАГРУДАК — першая сталіца ВКЛ, горад у якім амаль кожнае месца можа даць нейкую дэталь аб жыцці ці творчасці вялікага паэта. Невыпадкова сёння тут можна наведаць му­зей яго імя — дом, дзе жыў Адам Міцкевіч, дзе прайшлі яго дзіцячыя гады, куплены бацькам у са­мым пачатку XIX ст. Фарны касцёл Ператварэння Гасподня — пабудаваны на месцы былога гатычнага, заснаванага яшчэ пры князе Вітаўце — стаў сведкам хрышчэння вялікага паэта, помнік якому ўсталяваны побач з помнікам абарончага дойлідства XIII-XVI стст. — Навагрудскім зам­кам. Рушым далей і знаходзім ужо сляды вялікага кня­зя Вітаўта — УСЕЛЮБСКІ КАСЦЁЛ — пабудаваны па фундацыі Яна Няміры — канюшага вялікага кня­зя. Мяркуюць, што менавіта гэты касцёл самы стары на тэрыторыі сучаснай Беларусі (1-ая пал. XV ст.).

ЛЮБЧА — сёння гарадскі пасёлак у Навагрудскім раёне, а крыху раней з XVI ст. мястэчка, належала Храптовічам, Гаштольдам, Кішкам, Радзівілам і Вітгенштэйнам і атрымала ў 1590 г. магдэбургскае пра­ва і ўласны герб. Сёння на левым беразе Нё­ма­на захаваўся чатырохсотгадовы замак. Да нашых дзён дайшлі толькі дзве вежы і два двухпавярховыя карпусы, але земляныя ва­лы і рвы, якія атачаюць тэрыторыю былога ком­плек­су, утвараюць эфектную “выспачку гісторыі” цэлага краю. Далей крочым у вёску ВАЛЕЎКА, дзе дзейнічае і ў нашы дні царква Святых Пятра і Паўла, пабудаваная ў 1685 г. як Троіцкі касцёл кляштара дамініканцаў і перададзеная ў XIX ст. праваслаўным вернікам. Каб надаць вандроўцы асаблівы святочны дух, а можа і крыху таямнічасці, завітаем у ВЯЛІКУЮ СВАРОТВУ. Паспрабуем разгадаць загадку адзінага, амаль ва ўсім свеце, трохкутнага хра­ма — Траецкай царквы, пабудаванай у 1823 г. і маючай фор­му нехарактэрную для культавага дойлідства на Беларусі.

Прытрымліваючыся найлепшых традыцый усё той жа колавай кампазіцыі, скончым наш маршрут у месцы, якое мае непасрэднае дачыненне да А. Міцкевіча — яго музеі-сядзібе ў ЗАВОССІ. Менавіта тут нарадзіўся паэт, з часоў якога тут захавалася ста­рая ліпа і невялічкая сажалка, а таксама адноўленая хата і гаспадарчыя пабудовы. Калі не перашкодзяць неспрыяльныя метэаралагічныя ўмовы (галалёдзіца, завіруха, Хаўер :) ) бонусам будзе наведванне ці не найвялікшага гаспадарчага двара ў Шчорсах* у замкавым стылі, так званай “мураванкі Храптовічаў”: карпусы стайняў і вуглавыя круглыя вежы. Трэба адзначыць, што нават яны памятаюць нашага вялікага паэта, які жыў у Шчорсах у 1819 і 1820 гг.

Па складзенай ужо традыцыі, падчас экскурсіі Глеб Лабадзенка — апантаны журналіст-краязнаўца і заснавальнік курсаў бе­ла­рус­кай мовы “Мова Нанова” — як і заўжды, падзеліцца моўнымі цікавосткамі і адкажа на Вашыя пытанні, датычныя бе­ла­рус­кай мовы. Вяртанне ў Мінск не раней за 22.00, а пры наяўнасці зацікаўленасці, магчымасці, сіл і жадання, можна і пазней. :)

Кошт экскурсіі ўключае:
• аўтобус турк­лас­са
• экскурсійнае абслугоўванне
∘ Навагрудак — дом-музей Ада­ма Міцкевіча, фарны касцёл, Навагрудскі замак
∘ Уселюб — касцёл Святога Казіміра
∘ Любча — замак
∘ Шчорсы* — гаспадарчы двор
∘ Валеўка — царква Святых Пятра і Паўла
∘ Вялікая Сваротва — Траецкая царква
∘ Завоссе — музей-сядзіба Ада­ма Міцкевіча
• кава, гарбата, печыва
• фірмовыя сувеніры

Працягласць экскурсіі — 600 км, 13 гадзiн

Партнёры — Кісларод
Партнёр — Цэнтр Кола
Партнёр — Сувеніры пра Беларусь
Партнёры — Трэці Сектар
Партнёр — Падароск
Партнёр — Будзьма
Партнёр — Viapol
Партнёр А-100
Кнігарня Логвінаў
Партнёр — Velcom па-беларуску
Партнёр — Лятучы ўніверсітэт
Партнёр — Галерэя Ў
Інфапартнёр — kniharnia.by
Інфапартнёр — Новы час
Інфа-партнёр — Разам
Інфа-партнёр knihi.by
Інфа-партнёр tuzin.fm
Інфапартнёры — ЭўраБеларусь
Інфапартнёры — Радыё Рацыя
Інфапартнёры — Нашыя Дзеткі
Інфапартнёр — Белсат