Пра курсы
ГАРАДЫ :


19.02.2015
ВЕРШ “Лясная крама”

(задачкі “Дзесяць плюс…”) Алена Церашкова, вядучая курсаў “Мова Нанова Дзеткам”

м

м

м

У лясную краму

Зайка ходзіць з мамай.

Маме 10 піражкоў

З кіслаю капустай,

Зайку – з моркваю 1,

І не надта тлусты.

Колькі будзе піражкоў

На вячэру ў зайцоў?

 

Скача жабка: — Ква-ква-ква!

Камароў мне дайце 2!

А яшчэ мне 10 мух –

Паабедаю за дзьвух!

Хуценька давай адказ:

Колькі жабка з’есць за раз?

 

Вожык пыхкае паважна:

10 яблыкаў узважце,

А да іх – 3 грушы!

Я люблю пакушаць!

Колькі садавіны

На калючай спіне?

 

- Нам 4 пышкі!-

Прапішчэлі мышкі.

- І 10 цукерак,

- Толькі без паперак!

- Хай зайздросцяць нам каты!

Колькі ў мышак смакаты?

 

Кот у краму завітаў,

Прагна вусы аблізаў:

- Я вазьму 5 акунёў,

10 тлустых селядцоў.

Ты катку дапамажы:

Колькі разам? Падкажы!

 

Дзве вавёрачкі бягуць:

- Дзе тут шышкі прадаюць?

10 шышак, 6 гарэхаў

Нашым дзеткам на пацеху!

Ці не многа на дваіх?

Колькі разам тых і тых?

 

- Дайце бульбы 7 мяхоў,

10 торбаў жалудоў.

Я рабіць запасы звык! –

Заявіўся ў краму дзік.

Дзік да жалудочкаў ласы.

Колькі ж у яго прыпасаў?

 

Заляцеў у краму шпак.

- А ці ёсць у вас чарвяк?

Дайце 10 чарвякоў

Для маіх малых сынкоў,

А дачушкам-бусенькам

8 тоўстых вусеняў!

Хутка палічыце ўсе:

Колькі ежы шпак нясе?

 

- Колькі трэба літраў мёда? –

Роў мядзведзь ад увахода.

10 дай пчалінага,

9 дай чмялінага!

Буду есці я ў ахвотку,

Будзе ўзімку сон салодкі!

 

Завітала ў краму Даша.

- Добры дзень! – з парога кажа.-

Калі ласка, шакаладкі

І батончыкі з памадкай.

Тых і тых па 10 дайце.

Вой, хвілінку пачакайце!

Хопіць нам пачаставацца,

Калі нас у класе – 20?

 

А ты заўважыў,хто з пакупнікоў быў самы ветлівы?

Партнёр — menu.by
Партнёр — Кафэ “Грай”
Партнёры — Кісларод
Партнёр — Цэнтр Кола
Партнёр — Сувеніры пра Беларусь
Партнёры — Трэці Сектар
Партнёр — Падароск
Партнёр — Будзьма
Партнёр — Viapol
Партнёр А-100
Кнігарня Логвінаў
Партнёр — Velcom па-беларуску
Партнёр — Лятучы ўніверсітэт
Партнёр — Галерэя Ў
Інфапартнёр — kniharnia.by
Інфапартнёр — Новы час
Інфапартнёр — СВАЕ.БЕЛ
Інфа-партнёр — Разам
Інфа-партнёр knihi.by
Інфа-партнёр tuzin.fm
Інфапартнёры — ЭўраБеларусь
Інфапартнёры — Радыё Рацыя
Інфапартнёры — Нашыя Дзеткі
Інфапартнёр — Белсат