Пра курсы
ГАРАДЫ :


15.06.2015
ПЕСНЯ “Чатыры тараканы і цвыркун”

У дзеда дый за печкаю

Кампанія сядзіць,

Спявае гучна песенькі,

Вусамі шабуршыць.

Вячэраюць і дружна

Засынаюць на баку

Чатыры неразлучных

Таракана і цвыркун!

 

Неяк на ўсю чародку

Сродак стары здабыў,

Ўсыпаў за печ атруту,

Каб іх запал астыў.

Ноч ён праспаў спакойна,

Зранку палез на печ, а там …

 

Вясёлая кампанія

За печкаю сядзіць,

Спявае гучна песенькі,

Вусамі шабуршыць.

Пад’елі з апетытам

Дарагога парашку

Чатыры неразлучных

Таракана і цвыркун!

 

Плюнуў наш дзед сярдзіта,

І, каб прагнаць іх прэч,

Узяў ён — і дынамітам

Абрынуў долу печ.

Зранку стары задумаў

Смецце прыбраць, а там …

 

Вясёлая кампанія

На друзачках сядзіць

Спявае гучна песенькі,

Вусамі шабуршыць.

Не пакідалі ні на міг

Абжыты родны кут

Чатыры неразлучных

Таракана і цвыркун!

 

Лёсам сваім прыбіты,

Збег ён у белы свет:

З’ехаў на Антарктыду

Ад кватарантаў дзед.

Стаў на Паўднёвы полюс,

Адкрыў куфэрак ён, а там …

 

Вясёлая кампанія

Між рэчамі сядзіць,

Спявае гучна песенькі,

Вусамі шабуршыць.

Падміргіваюць весела

Гаротнаму дзядку

Чатыры неразлучных

Таракана і цвыркун,

Чатыры неразлучных

Таракана і цвыркун!

 

Італьянская народная песня. Рускі тэкст Р.Вікерса і Ю.Баціцкага, пераклад Алены Церашковай.

Партнёр — menu.by
Партнёр — Кафэ “Грай”
Партнёры — Кісларод
Партнёр — Цэнтр Кола
Партнёр — Сувеніры пра Беларусь
Партнёры — Трэці Сектар
Партнёр — Падароск
Партнёр — Будзьма
Партнёр — Viapol
Партнёр А-100
Кнігарня Логвінаў
Партнёр — Velcom па-беларуску
Партнёр — Лятучы ўніверсітэт
Партнёр — Галерэя Ў
Інфапартнёр — kniharnia.by
Інфапартнёр — Новы час
Інфа-партнёр — Разам
Інфа-партнёр knihi.by
Інфа-партнёр tuzin.fm
Інфапартнёры — ЭўраБеларусь
Інфапартнёры — Радыё Рацыя
Інфапартнёры — Нашыя Дзеткі
Інфапартнёр — Белсат