Пра курсы
ГАРАДЫ :


27.08.2015
КАЗКА “ЯК ДАГАДЗІЦЬ?” (паводле бірманскай казкі)

 

Жыць пры двары ільва пачэсна.

Ды гонар гэты небяспечны.

І фаварыта могуць з’есці —

Канец кар’еры недарэчны

Для ўсіх: няверных,  непакорных,

І тых, хто быў заўсёды за.

Паклікаў  леў сваіх прыдворных –

Мядзведзя, малпу ды труса.

Сцябнуў хвастом, прымружыў вочы.

Бліснулі іклы як нажы.

Кагосьці, пэўна, з’есці хоча.

І кожны за сабе дрыжыць.

 

А льву патрэбная нагода,

Каб небараку разадраць.

Такая , бачыце, парода –

Прыстойнасць трэба захаваць,

Тады з сумленнем будзе ў ладзе.

Ахвяру ж лёс не абміне.

Чым пахне з роту у мяне?

Мядзведзь панюхаў… Ну і пашча!

Ад паху выверне і нашча!

І вываліў усё як есць:

Цар-леў  зароў: — Узвесці хочаш

Паклёп? – і скочыў проста з крэсла.

Вось так мядзведзь кар’еру скончыў.

А ўсе падумалі: пранесла.

Але царам заўсёды мала.

У іх сумлення – ані звання.

Пра чысціню майго дыхання?

Мядзведзяў прыклад красамоўны…

І малпачка прагнула спіну:

Нібыта ружы з апельсінам!

Дык атрымаеш пакаранне!

Ва ўсіх драпежнікаў у лесе

Заўжды смярдзючае дыханне!

Даеў леў малпу, аблізнуўся.

І раптам да труса звярнуўся:

Сядзіш, трасешся, ды маўчок?

Што скажаш пра маё дыханне?

І леў прымружыўся ў чаканні.

Які адказ тут можа быць?

Ні так, ні сяк не дагадзіць…

Ды трус на выдумкі мастак.

І адказаў цару ён так:

Да вас спяшаўся й застудзіўся.

І зараз вам прызнацца мушу:

Заклала нос, заткнула вушы!

Няхай мне ваша мосць даруе,

Ды пахаў я зусім не чую.

Хоць трохі сумняваўся леў,

А ўсё ж такі труса не з’еў.

Таму, хто дружыць з галавою,

Бывае й насмарк на здароўе.

 

АЛЕ ЖЫЦЦЁВЫ ДОСВЕД ПАДКАЗВАЕ НАМ ІНШЫ КАНЕЦ ГЭТАЙ ГІСТОРЫІ.

Цар леў спагадліва ўздыхнуў

І небараку праглынуў.

Бо, ўрэшце, цар любой пароды

Задраць вас можа й без нагоды.

 

Алена Церашкова

Партнёр — menu.by
Партнёр — Кафэ “Грай”
Партнёры — Кісларод
Партнёр — Цэнтр Кола
Партнёр — Сувеніры пра Беларусь
Партнёры — Трэці Сектар
Партнёр — Падароск
Партнёр — Будзьма
Партнёр — Viapol
Партнёр А-100
Кнігарня Логвінаў
Партнёр — Velcom па-беларуску
Партнёр — Лятучы ўніверсітэт
Партнёр — Галерэя Ў
Інфапартнёр — kniharnia.by
Інфапартнёр — Новы час
Інфа-партнёр — Разам
Інфа-партнёр knihi.by
Інфа-партнёр tuzin.fm
Інфапартнёры — ЭўраБеларусь
Інфапартнёры — Радыё Рацыя
Інфапартнёры — Нашыя Дзеткі
Інфапартнёр — Белсат